இந்த நிகழ்வும் அடுத்த நிகழ்வும் மழை எப்படி?

ந. செல்வகுமார் வானிலை ஆய்வறிக்கை. அதிகாரப்பூர்வ வானிலை அறிக்கைக்கு இந்திய வானிலை ஆராய்ச்சித்துறை அறிக்கையை பார்க்கவும்.

நாள்: 12.12.2024
நேரம்:5.30PM
*
வானிலை சுருக்கம்

டிசம்பர் 11 முதல் டிசம்பர் 31 முடிய அடுத்தடுத்த 4 நிகழ்வுகள் இலங்கை & தமிழ்நாடு அருகே வந்து பிறகு மேற்கு தொடர்ச்சி மலை பகுதி வழியாக அரபிக்கடல் செல்லும் என்பதால் தமிழ்நாட்டின் அனைத்து மாவட்டங்களுக்கும் டிசம்பர் 31 வரை பெரும்பாலான நாள்கள் கன மழை வாய்ப்பு உருவாகியுள்ளது

இதன்படி நான்கில் முதல் நிகழ்வு டிசம்பர் 11 புதன் மாலை வட இலங்கை நெருங்கிய தீவிர தாழ்வு பகுதி கோடியக்கரை -யாழ்ப்பாணம் இடைப்பட்ட பாக்நீரிணைப்பு பகுதிக்கு வரும் என்று எதிர்பார்த்து அவ்வழி தடத்தில் வராமல் முல்லை தீவு கடந்து தலைமன்னார் பகுதிக்கு வந்தடைந்தது. அதாவது டெல்டா கரை ஒட்டி வராமல் ராமேஸ்வரம் இலங்கை இடைப்பட்ட பகுதிக்கு வந்தது.
டிசம்பர் 12 நாள் முழுவதும் இராமநாதபுரம் மாவட்டங்களுக்கு தென் கிழக்கேயும் தூத்துக்குடிக்கு கிழக்கே நீடித்துக்கொண்டு மழை முதல் கனமழை வரை அனைத்து வட கடலோர மாவட்டங்கள்
வட உள் மாவட்டங்களுக்கு கொடுத்தது.
அவ்வப்போது ஆங்காங்கே மிக கனமழை பொழிவும் கொடுக்கும்

இந்த நிகழ்வு மன்னார் வளைகுடாவின் மையப்பகுதி வழியாக நகர்ந்து தூத்துக்குடி திருநெல்வேலி மாவட்டங்களை கடந்து டிசம்பர் 13 தெற்கு கேரளா அரபிக்கடல் பகுதிக்கு நகரும்.
டிசம்பர் 14,15 அரபிக்கடலில் விலகி செல்லும்.

டிசம்பர் 12 அதிகாலை காலை வரை டெல்டா மாவட்டங்களில் கன மழை பொழிவை கொடுத்து மயிலாடுதுறை மாவட்டத்தில் மதியம் வரை கனமழை பொழிவை கொடுத்து கடலூர் முதல் திருவள்ளூர் வரை சென்னை உட்பட உள்ளே திருப்பத்தூர், திருவண்ணாமலை, கள்ளக்குறிச்சி, பெரம்பலூர் வரை மாலை வரையும் கனமழை கொடுக்கும். கடலூர் மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை மாவட்டங்களில் மீண்டும் இரவு அதிகாலை மழை கொடுக்கும்.

கிருஷ்ணகிரி, தர்மபுரி மாவட்டங்களில் மாலை, இரவில் மழை கொடுக்கும்.

டிசம்பர் 13 காலையுடன் புதுச்சேரி, கள்ளக்குறிச்சி,விழுப்புரம், சேலம் மாவட்டங்களுக்கு வடக்கே ஆந்திரா, கர்நாடகா எல்லை வரை மழை இந்த நிகழ்வு மழை விலகும்.

கடலூர், அரியலூர், பெரம்பலூர், மயிலாடுதுறை, காரைக்கால், நாகப்பட்டினம், திருவாரூர், தஞ்சாவூர், திருச்சி வடக்கு ஆகிய பகுதிகளில் டிசம்பர் 13 மதியம் விலகும்.

புதுக்கோட்டை, ராமநாதபுரம், சிவகங்கை, திருச்சி, கரூர், நாமக்கல் சேலம், ஈரோடு, நீலகிரி மாவட்டங்களில் டிசம்பர் 12 இன்று மாலைக்கு மேல் தொடங்கி டிசம்பர் 13 மாலை விலகும்.

ஏரி, குளங்கள் நிரம்பாத மழை பெய்யாத தென் மாவட்டங்கள், உள் மாவட்டங்கள், மேற்கு தொடர்ச்சி மலை மாவட்டங்களுக்கும் அதாவது மதுரை, தேனி,திண்டுக்கல், கரூர், திருப்பூர், கோயம்புத்தூர், நீலகிரி ஆகிய மாவட்டங்களில் நிறைய மழை பொழியும்.

தூத்துக்குடி,, திருநெல்வேலி, கன்னியாகுமரி, தென்காசி, விருதுநகர், ஆகிய மாவட்டங்களில் டிசம்பர் 12 மாலை முதல் மழை தொடங்கி படிப்படியாக அதிகரித்து டிசம்பர் 13 இரவு வரை கன, மிககன, அதிகன மழை வாய்ப்பு தெரிகிறது.

நிகழ்வு டிசம்பர் 13 காலை மேற்கு நோக்கி நகரும் போதும், தூத்துக்குடி, திருநெல்வேலி கன்னியாகுமரி மாவட்டம் அருகில் இருக்கும் போதும் திருநெல்வேலியின் நாலுமூக்கு, ஊத்து, காக்காச்சி, மாஞ்சோலை, கன்னியாகுமரி மாவட்டத்தின் மலை பகுதிகள், தென்காசி மாவட்ட குற்றாலம், விருதுநகர் மாவட்ட சதுரகிரி மலை, திண்டுக்கல் மாவட்டத்தின் கொடைக்கானல் மலை மற்றும் மலை சாலை பகுதிகள், அமராவதி, திருமூர்த்தி உள்ளிட்ட அணை பகுதிகள், வால்பாறை மலை மற்றும் மலை சாலை பகுதிகளில் முன் எச்சரிக்கை தேவை.

காற்றின் போக்குவரத்து அதனால் ஏற்படும் இரு காற்றுகள் இணைவு அடிப்படையில் அதீத மழை பகுதிகள் மாறி மாறி அமையும்.

இந்த நிகழ்வால் மழை விலகல் :

டிசம்பர் 15 நிகழ்வு அரபிக்கடல் சென்று விலகி செல்லும் என்பதால்
தமிழ்நாட்டில் மழை வாய்ப்பில்லை.அடுத்த நிகழ்வு டிசம்பர் 16 முதல்
மழை தொடங்க நெருங்கிக் கொண்டுடிருக்கும்.

நிகழ்வு 2 (டிசம்பர் 16,17,18,19,20)

தென் சீனக்கடலில் இருந்து வரும் நிகழ்வு டிசம்பர 14,15 தேதிகளில் வங்கக்கடலில் தாழ்வு மண்டலம் வரை தீவிரம் அடைந்து டிசம்பர் 16 தேதியில் ஆழ்ந்த தாழ்வு மண்டலம் வரை தீவிரமடைந்து டிசம்பர் 17 இல் டெல்டா மாவட்டங்கள் நெருங்கி டிசம்பர் 18 டெல்டா கரையை கடந்து டிசம்பர் 20 முடிய அனைத்து மாவட்டங்களுக்கும் மிக கனமழையும் 75 சதவிகித மாவட்டங்களில் நிறைய மழை வாய்ப்பும் தெரிகிறது.

*டிசம்பர் 17,18,19,20 ஆகிய நாள்களில் அனைத்து மாவட்டங்களுக்கும்
*மிக கனமழையும் 75 சதவிகித மாவட்டங்களில் அதிக மழை தெரிகிறது.

நிகழ்வு 3, 4 தீவிரம் மற்றும் கடக்கும் இடம் பற்றி துல்லியம் அறிய ஆய்வில் உள்ளது.

ந. செல்வகுமார்,
மன்னார்குடி.
12.12.2024-5.30PM