2023 மே 7 அதிகாலை ஆய்வறிக்கை
மே 7,8,9 வானிலை
மே 7,8,9 இல் காற்று சுழற்சி தீவிரம் அடைந்து, மே 9 இல் தாழ்வு பகுதி அன்றே தீவிர தாழ்வு பகுதி, மே 10 மண்டலம், மே 11 ஆழ்ந்த மண்டலம், புயல் வரை தீவிரம் அடைந்து வடமேற்கு, மேற்கு காற்றை ஈர்த்து தமிழநாட்டில் வெப்பச்சலன இடிமழை கொடுக்கும்.
புயல் நெருங்கி வந்து விலகி செல்லவும் வாய்ப்பு உள்ளது.
தெற்கு ஆந்திர பகுதிக்கோ அல்லது அதனை ஒட்டிய வடதமிழக பகுதிக்கோ தாழ்வு மண்டலமாக வரவும் வாய்ப்பு இருக்கிறது.
அப்படி வந்தால் நெருங்கும் வரை நிகழ்வுடன் இணைந்த மழை கொடுக்கும்.
நெருங்கி வரும் பட்சத்தில் மழை பொழிவு படிப்படியாக அதிகரித்து மே 14 முடிய மழை தொடர வாய்ப்பு ஏற்படும்.
இருவேறு காற்று சுழற்சிகள் இணைவு இடம், தீவிரமடைந்து நகரும் வழி தடம் 24 மணி நேரத்தில் உறுதி படுத்தலாம்.
ஆனால் மே9 தான் உருவாகி மே 11 புயலாகும்.
நாள்கள் இருக்கிறது விரைவில் துல்லியமாக அறிவிக்கிறேன்.
மே 14 முதல் 18 முடிய மழை தீவிரம் குறைந்திருக்கும். வெயில் கூடி இருக்கும்.
மே 19 க்கு மேல் மேலும் ஒரு நிகழ்வும். மே 28 க்கு மேல் ஒரு நிகழ்வும் வாய்ப்பு.
மே மாதம் இருக்கும் நாள்கள் சராசரிக்கு கூடுதல் மழை, சராசரிக்கு கூடுதல் வியர்வை இருக்கிறது.
எல் நினோ அச்சம் வேண்டாம்
பசுபிக் பெருங்கடலில் கடல் நீரோட்டங்கள் வலுவான எல் நினோவை உருவாக்க சாதக சூழலை ஏற்படுத்தி உள்ளது.
பசிபிக் பெருங்கடலில் வலுவான எல் நினோ உருவானாலும், வங்கக்கடல் வெப்பம் அரபிக்கடல் வெப்பம் நிலநடுக்கோட்டு இந்தியப்பெருங்கடல் வெப்பம் 30 டிகிரி செல்சியஸ் , 31 டிகிரி செல்சியஸ் என்ற நிலையில் உயர்ந்து காணப்படுகிறது. எல் நினோ கொடுக்கும் பாதிப்பை சரி செய்யும் வகையில் வடக்கு இந்திய பெருங்கடல் வெப்பம் சாதகமாக இருக்கிறது.
எல்-நினோ கவலை வேண்டாம்.
தென்மேற்கு பருவமழை 2023
தென்மேற்கு பருவமழை மே 29 30 31ஜூன் 1 2 ஆகிய ஏதேனும் ஒரு நாளில் தொடங்கும்.
அதற்கு முன்பே பருவமழை போல் வலுவான மழை பொழிவு முன் பருவ கோடை இடிமழை பொழிந்து கொண்டு இருக்கும். பருவ மழையா கோடை மழையா? என்று வித்தியாசம் தெரியாத அளவிற்கு/ நீடித்து பருவமழை ஜூன் 2க்குள் பருவமழை தொடங்கிவிடும்.
நாட்டின் அனைத்து மாநிலங்களுக்கும் சிறப்பான தென்மேற்கு பருவமழை கொடுக்கும் நிலையில் ஜூன் முதல் வெப்ப சலனமழை தமிழ் தமிழ்நாட்டின் அனைத்து மாவட்டங்களுக்கும் சிறப்பாக இருக்கும்.
பாலக்காடு கணவாய் , ஆரியங்காவு கணவாய், ஆரல்வாய்மொழி கணவாய் உள் காற்று பகுதியில் காற்றின் வேகம் குறைவாகவும் மழை பொழிவு வழக்கத்திற்கு சற்று கூடுதலாகவும் இருக்கும்.
பாலக்காடு கணவாய் நுழைவாயில் மற்றும் மேற்கு தொடர்ச்சி மலை பகுதிகளில் தொடக்கத்தில் சீறற்ற மழை இருந்தாலும்
ஜூலை ஆகஸ்ட் செப்டம்பர் சேர்த்து மழை பொழிவை கொடுக்கும் அளவிற்கு தாமத மழை பொழிவு இருக்கும். அதற்கு முன் கோடை மழை முன் பருவ மழை சிறப்பாக பொழிந்து இருக்கும். செப்டம்பர் அக்டோபரில் மேற்கு தொடர்ச்சி மலை பகுதியில் கணவாய் பகுதிகளில் கூடுதல் மழை பொழிவு தெரிகிறது.
வட இந்தியாவில் சராசரிக்கு மிகுதியான மழை பொழிவும், தென்னிந்தியாவில் செப்டம்பர் அக்டோபரில் சராசரிக்கு மிகுதியான மழை இருக்கும். தென்மேற்கு பருவமழை புள்ளிவிவரத்தில் செப்டம்பர் 30 நிறைவடைந்தாலும், தென்மேற்கு பருவமழை அக்டோபரில் வலுத்து காணப்படும்.
தென்மேற்கு பருவமழை பின்வாங்குவது தாமதம் ஏற்பட்டு. அக்டோபர் மூன்றாவது வாரம் வரை தொடர்ந்து தாமதமாக பின்வாங்கும்.
வடகிழக்கு பருவமழை 2023
வடகிழக்கு பருவமழை அக்டோபர் 27 28 29 30 31 ஏதேனும் ஒரு நாளில் தொடங்கும்.
நவம்பர் டிசம்பர் மாதங்களில் சராசரிக்கு மிகுதியான மழை பொழிவு வலுவான நிகழ்வுகளால் கொடுக்கும்.
வரும் நவம்பர் டிசம்பரில் பனிப்பொழிவு இடையூறு மிகவும் குறைவாக இருக்கும்.
நவம்பர் டிசம்பர் மாதங்களில் 100% உறுதியாக சராசரிக்கு மிகவும் மிகுதியான மழைப்பொழிவு அமையும்.
குளிர் இடையூறு இந்த ஆண்டு போல் இருக்காது என்பதால் 2023 வடகிழக்கு பருவமழை 2024 ஜனவரியிலும் தொடர வாய்ப்பு.
ந. செல்வகுமார்.
7.4.2023-4AM வெளியீடு.